Fjölskyldan Brúnastöðum

Farið var með bíl upp á Hengil. Þar var stígið á hjól og hjólað með Henglinum í átt að Helliheiðavirkjun.  Leiðin er vinsæl meðal mótorhjólamanna en einnig er nokkuð um að leiðin sé hjóluð.  Leiðin er skemmtileg fyrir utan smá kafla með mjúkum sandi.

Eftir þennan kafla fórum við aftur í bílinn og keyrðum upp ölkelduháls, eins hátt upp og hægt var að keyra.  Þaðan lá leiðin niður í Reykjadal og leiðin niður á móti eftir mjóum stígum í hlíðunum fyrst.

Myndir hér að neðan. Allar teknar á símann svo gæðin ekkert spes. Hægt að smella í kassann  neðst á myndunum til að stækka.

Tags: Uncategorized // Comments Off

Í tilefni af átakinu “hjólað í vinnuna” var ákveðið að taka smá krók á leið til vinnu svona síðasta daginn í átakinu.  Einar og Ívar lögðu af stað frá Kársnesi í Kópavogi um 4:00 um morguninn.  Ég bættist í hópinn í Grafarvogi um hálftíma síðar.  Ferðin gekk ágætlega austur eftir en mótvindur var þar uppeftir og þegar við beygðum inn á Grafning vorum við um 10 mínútum á eftir áætlun en gert var ráð fyrir að ná 25-28km meðalhraða.  Þegar við nálguðumst Grafning unnum við fljótt tíma tilbaka enda niður í móti.  Gaman var að hjóla Grafninginn enda frábært umhverfi að hjóla í.  Sumarið æpti hreinlega á mann.  Eftir Grafning tók Nesjavallaleið við tilbaka.  Óhætt er að segja að komast upp á Hengillinn hafi verið þokkalegt burn í lærin.  Eftir það hallaði undan og leiðin þægileg.

Hækkun á þessari leið er 842m, mesti hraði var á milli 67-78km.  Einar og Ívar hjóluðu 95km á meðan ég skilaði 83km. Kalríubruni um 2300 kaloríur. Tîmi ca 5klst frá Kársnesi.

Hér má sjá leiðina og tvö stopp á leiðinni.

Tags: Uncategorized // Comments Off

Góður hópur manna tók sig til og hjólaði í kringum Skorradalsvatn.  Leiðin er um 40 km löng.  Gert var ráð fyrir nokkuð þægilegri hjólreiðaferð en annað koma á daginn.  Hjólað var í austur eftir vatninu sunnan megin. Þar mætti okkur sterkur mótvindur sem tafði för nokkuð. Eftir ca 7Km tók við erfitt færi sem skiptist á að vera gljúpur sendinn jarðvegur eða blautur moldarvegur. Þetta varð til þess að ferðin sóttist mun seinna en áætlanir gerðu ráð fyrir.  Í góður færi má gera ráð fyrir að þetta taki ca. 2,5 tíma en við vorum 4,5 allan hringinn.

Einnig sprakk hjá einum okkar sem varð til þess að hann þurfti að teyma hjólið ca 6-7 km tilbaka þar sem pumpan sem tekin var með passaði ekki á ventlanna hjá honum.  Hinir héldu ótrauðir áfram.

Þegar fyrir vatnið var komið var vindurinn í bakið og ferðin sóttist mun betur.  Hér að neðan eru nokkrar myndir.

Tags: Uncategorized // Comments Off

Fyrst allir eru með eldgos á heilanum er eins gott að maður taki þátt í því.

Stóðst ekki mátið með þessar tvær myndir en vinnufélagi, Sævar Guðbergsson lagði land undir fót og tók þessar stórglæilegu myndir.

Bendi einnig á www.chris.is – mjög flottar myndir þar.

Tags: Röflið, Uncategorized // Comments Off